Un total de 25 veciños e veciñas de Frades participan na primeira edición do Curso de Poda e Enxertos, cubrindo así todas as prazas convocadas polo Concello de Frades. Un curso que consta de 30 horas lectivas e se celebrará todos os sábados, en horario de 10:00 a 14:00 horas, ata o próximo 26 de marzo.
O curso conta con 10 horas teóricas, como as catro primeiras que se impartiron este sábado no multiúsos de Frades, mentres que as outras 20 horas serán de prácticas na leira municipal. Durante este curso, os alumnos e alumnas aprenderán técnicas de poda, tanto de especies froiteiras como ornamentais e forestais, así como os distintos métodos de propagación/multiplicación de prantas (semente, enxerto, estaquillado, acodo, etc).
